يا قبلة غالية هرفع أذانك

أطفال بريئة وعيون حزينة،
ولعبة طفل مكسورة،
وبنت حلوة بعروسة لعبة و دمعة حيرانة مرعوبة،
فينك يادنيا ،فين العروبة،
حرام ياعالم فين الشهامة،
فينك يا عربي فين الكرامة،
أطفال كتير متشردين في بيوت غريبة مفروشة رملة وغطاها طل ،
ازاي بتقدر يا اخويا تضحك واخوك حزين،
يا عذرا مريم يا ام المسيح مكتوب علينا نعيش ضحايا ونولد شهيد ،
دي لعبة ابني هي الحجارة ولم أشلاء الشهيد،
صوت الأغاني صاروخ يفرقع..
ترنيمة حلوة .صوت الأذان ..
باعتب عليك يا كل عربي سايبني وحدي .
هاين عليك!
طب مد ايدك امسح دموعي طبب جروحي،
مش باطلب انك تمد ايدك بلقمة حلوة أو بالسلاح ،
سلاحي هو احجار كريمة عارفة طريقها من غير نذير ،
اياك وظلمي وظلم نفسك اياك تجور علي يوم،
باقوم أصلي واودع ابني لأني عارف اني شهيد،
يا شمس طالعة شاهدة علينا في كل يوم تمري فيه،
ياقمرة حلوة ليه الدموع ما تحزنيش،
يرق صخرك ويبكي غصنك يا طاهرة بدم الشهيد،
يا ارض اعظم من كل كون،
نبي ورسول كان الامام بالأنبياء في أقصي غالي مايتنسيش ،
ومهما طال علي الغياب هصلي فيك،
يا قبلة غالية هرفع أذانك وان كان عذابي هو الدليل ،
أقسم بربي هصلي فيك
مـــــــ البيلى ــــــروان